____________
امام المقهى كان يقف عامر وواضع يده اليمنى بجيبه وكل ثانيه ينظر إلى ساعته، فقطع تفكيره سيد وهو يقول:
– دكتور عامر أنت مستني حد؟
close
رفع عامر نظره للسماء بقله صبر وزفر:
“كام مرة اقولك ما تقوليش دكتور، انت مابتفهمش ولا عايزني اعلقك جوه، انا هنا تقولي ريس عامر أو أستاذ عامر بلاش دكتور دي الله يسترك.
سيد:
– خلاص مش هقول تاني بس أنت مستني حد؟
– يا الله، يعني مش بتفهم وحشري؟ اجري شوف الزباين.
تلفت سيد يمينًا ويسارًا وهو يرفع حاجبيه متعجبًا، فحتى الآن المقهى خالي من الزبائن.
فهم عامر ما يدور بعقله، فقال بغضب:
– روح امسح الارض.
فهز سيد رأسه سريعًا وانصرف حتي لا يتعرض لصراخ عامر.
بعد لحظات وقف عامر منتبهًا لمرور محمد وهو يلقي عليه السلام فجري اتجاهه يرد التحية:
– وعليكم السلام يامحمد.
قالها عامر بتوتر يحاول إخفاءه.