تقى بصدمة:
– نعم؟ أنت قليل الأدب.
ليصحح حديثه بسرعة:
– اقصد تقلعي الفستان وتلبسي غيره من عند البنات.. وصدقيني أنا عايز اساعد مش اكتر.
تقى بتفكير مع خوفها منه تقول:
– طيب ماشي.
يصعدا معًا الدرج فيزداد خوفها منه.. هي لا تعلم من هو حتى الآن.. فتراه يتجه الي حجرة بعينها يحاول فتحها فيجدها مغلقة من الداخل ويقول:
– شكل ملك جوه وقافلة علي نفسها كدة مش قدامنا غير غزل.
ويتجه الي غرفة غزل يفتحها ويدعوها للدخول قائلا:
– في حمام جوه الأوضة.. واعتقد مقاسها هيناسبك ممكن تغيري بحاجة من عندها.
فتشاهده يقوم بالإشارة الي المفتاح بالباب يقول:
– أقفلي الباب عليكي من جوه عشان تطمني اكتر.. وأنا هنتظرك بره.
لتهز رأسها بصمت ذاهلة منه ..فتسمعه يقول:
– أنا معرفتكيش بنفسي أنا يامن الشافعي اخو ملك ويوسف.
مياه مثلجة سقطت فوق رأسها ايعقل انها تقف أمام أخيه ..أخيه الذي يختلف عنه بكل الدرجات.
أما عنها فرفعت انفها بكبرياء تقول:
– وأنا تقى أخت محمد وغزل.
ثم تغلق الباب بوجه من يقف مصدوما من كلماتها.
…………..
وقفت أمام المسبح حافية القدمين بفستانها الجذاب ممسكة بحذائيها بيدها تاركة الحفل بمدعويه فهي لم تعتاد