– الله الله.. إيه القذارة اللي شايفها بعيني دي؟ طيب لموا نفسكم وشوفلكم حته مدارية عن الموجودين في الفيلا تمارسوا فيها وساختكم دي.. وانتِ ياهانم يا صاحبة الصون والعفاف ماتسبيلوا نفسك وهو يعلمك.. ولا انت متعلمة وجاهزة.. أنا هستنى ايه من واحدة جايلنا من الحواري.
كلمات من الرصاص شلتهما عن التفكير لترتعش ويزداد بكائها غير مستوعبة كلماته.. لقد اتهمها الان في شرفها
ومع من مع أخيه ..لقد فاض الكيل.. فتسمع صوت يامن الجاد وهو يساعدها في الصعود من المسبح ولكنه لم يحررها من ذراعه الذي يحتويها:
– إيه الوساخة اللي انت بتقولها دي؟ أنت شارب على الصبح.. إزاي تقول كلام زي ده.. انت فاكر كل البشر أوساخ زيك.. فوق يا يوسف.
ليجيبه يوسف بغضب:
– عايزني أقول ايه وانا شايفكم حضنين بعض في المية وبتقولها سبيلي نفس؟
فتقترب منه في تلك اللحظة قائلا بكره:
– حسبي الله ونعم الوكيل.. فيك.. حسبي الله ..عمري ما هسامحك.
فتنصرف تحت أنظاره ليقول يامن بضيق:
– غبي.. هتفضل طول عمرك غبي.
………………….
يوم الحفل
تقف أمام مرآتها شاردة في صورتها الملائكية لقد اختار لها يامن فستانًا باللون الأحمر الداكن ذو أكمام وفتحة
علوية تظهر عضمة الترقوة بعرض كتفيها ذو أكمام شفافة يضيق من الصدر إلى الخصر ثم ينزل باتساع حتى ركبتيها واختار لها قرطان ماسيان باللون الأحمر ولم ينس أن يكمل الصورة بحليتان بنفس اللون لشعرها على شكل فراشة حمراء فتقوم برفع جوانب شعرها لأعلى وتتركه متدليًا خلف ظهرها فيظهر بوضوح جوانب وجهها