في صباح يوم جديد صحيت حورية بدري عن معادها او هي ما نمتش اصلا بسبب موضوع البيت والشغل لبست وجهزت وكانت لسه مامتها نايمة خرجت من الشقة ونزلت تحت
وزياد شافها قرب منها بابتسامة وقال… صباح الورد والياسمين على اجمل عيون
حورية نظرت له بغضب شديد ومشيت وهو استغراب هي فعلا دايما بتكلمه باسلوب وحش بس عمرها ما نظرت نظرة الكره دي ابدا مسك ايديها وقال… اقفي هنا كلميني اية النظرة دي
حورية زقته وبعدته عنها وقالت بحدة… اسمع بقي انت والست الوالده والوالد انا مش هسمح لاحد انه يهين امي او
ينزل كرامتها وقال لست الوالده برده ان الايجار هيدفع و هدهلكم علي الجزمة وتاني مرة اوعي تلمسني ولا تحاول توقفني انت سامع و لا لاء غور من وشي
ومشيت وسابته وهي مضايقة منه ومن اهله
اما هو اتصدم ومكنش عارف امه عملت اية
.،.،.،.،..،.،.،.،.،..،،.،.،
حورية ركبت كالعادة وحطت دماغها علي الشباك
ونزلت في المكان المعتاد و شافت المكان اللي انضرب فيه عمار وغصب عنها افتكرت وضحكت علي منظره
وصلت الكلية وقعدت في الكافيريا لغاية معاد المحاضرة بتاعتها معاد محاضرتها بعد ساعة
وبعد نصف ساعة
شافت اللي قعد علي الكرسي اللي قدامها وجهه وارم جدا وكان عمار
عمار بمشاكسة… انا جيت ركبت المكروباص ومشفتكيش كالعادة جيتي بدري علشان منركبش جنب بعض انا علي فكرة ما حسبتكيش علي اللي حصلي بسببك