سهر بغضب… اي كان السبب البت دي لو مبعدتش عنها هقتلها سامع وده اخر كلام عندي يا عمار
عمار بكي بقهر… انتي ليه مش بتحبي تشوفيني مبسوط ليه دايما عايزة تضايقني و تنكدي عليا انا مش فاهم السبب
سهر بغضب… انا عارفة مصلحتك كويس اوي و انت مش فاهمه كويس ده اخر كلام عندي انا ماشي علي الله اسمع انك قبلت البت او كلمتها حتي
وخرجت بغضب و عمار جلس يبكي كالاطفال
نور قربت من اخوها وجلست بجانبه و حضنته و هو يبكي ويقول… مش هتسكت و حورية هتتأذي يا نور
نور حضنته وقالت بحزن… اهدي بس يا عمار بابا هيتصرف بس كنت عايزة اسألك علي حاجه هو الكلام اللي قولته لماما عن قتل ابو حورية كنت تقصد بيه اية
عمار وهو يمسح دموعه… مش عايز اتكلم يا نور لو سمحتي
نور بحزن….. طيب نام شوية
عمار بحزن… سبيني لوحدي شوية لو سمحتي
نور بحزن… طيب.
و خرجت بهدوء
اما عمار مسك تلفونه بسرعة و اتصل علي حورية و اتصدم من ان الفون بيديه خارج نطاق التغطية
هو في اية
اتصل بخط تاني كان معه و اتصدم انه رن معني كدة انها عملت ليه حظر اتصدم و الدموع اتجمعت في عيونه من تاني وقفل المكالمة قبل ما ترد متوقعش منها حاجه زي دي بعد كل اللي عمله علشانها تعمل ليه بلوك طيب ليه