هدي بهدوء… انجي هو متعصب مش عارفه ليه بلاش تتوتري اقصاده لو سمحتي اتكلمي بثقة كدة
انجي بتوتر.. بقولك اية انا غيرت رائ انا همشي
هدي بهدوء… لا لاء انا قولتله عليكي يلا متضيعيش الفرصة من ايدك يلا يا حبيبتي
انجي هزت راسها بتوتر…. لحد ما و صلت للمكتب
هدي خبطت و سمعت رده و فتحت ليها الباب و دخلت انجي بتوتر و هدي قفلت الباب و استنت برة
انجي دخلت و من توترها ملحظتش الديكور الجميل بتاع المكتب لانها كانت مهتمة بالديكورات الشركة
انجي بتوتر… صباح الخير
وجية رفع نظره لها و حس انه شافها قبل كدة و لكن مش فاكر
وجية بحدة….. اتفضلي اقعدي
انجي اتحرجت انه حتي مردش عليها وانه بيتكلم بحدة ولكن جلست بحرج
وجية بنفس النبرة الحدة… اسمك و سنك و عنوانك مؤهلك
انجي بتوتر…. اسمي انجي محمود احمد عندي اربعين سنة و عنواني في منطقة العصافره
و معايا تعليم فوق المتوسط
وجية اتصدم من سنها لان مكنش باين عليها ابدا سن وقال بهدوء…. اشتغلتي قبل كدة
انجي بهدوء… ايوة اشتغلت قبل في مجال الحسابات بس مش في شركات كبيرة يعني شركات كانت بسيطة
وجية بحدة…. هنا نظام الشغل مختلف الغلطة بطردك فوراً واي كان الاماكن اللي اشتغلتي بيها متتقرنش بهنا هنا بس شغل عالي انسي الشغل اللي اشتغلته قبل كدة لان الشركات دي بنسبة ليا مجرد حاجة كدة غير موجودة و لو مفكرة ان الشغل هيكون زي شغلك في الشركات دي وان هنا هيكون
سهل تبقي غلطانة وانتي لو مش قد الشغل يبقي تتفضلي
انجي الدموع كانت تلمع في عينيها من حدته واضايقت من تكبره عليها و لكن كتمت دموعها بشدة وقامت و قالت بهدوء منافي لما تحس به…. اولا يا فندم الشركات دي علي قد ما هي كانت بسيطة بنسبة ليا احسن من ميت