حالته صعبة جداً و الدموع تنزل بقهر من عيونه و هدومه غير مرتبة
وجية كان يقف امام البوابة هو و نور ينتظرون و اول ما قرب منهم وجية شاف حالته دي اتصدم قرب منه بسرعة و حضنه و قاله… مالك يا عمار مالك يا بني حصل اية
عمار بقهر و دموع… بعد كل اللي عملته سبتني ورحت ليه هو طب ليه انا عملت كل حاجه علشانها و عشان تحبني
وجية فهم ان الكلام علي البنت اللي شغلها في الفرع التاني
نور بقلق… بابا خلينا ندخل البيت و نتكلم جوه احسن
وجية مسك ايده و دخلوا البيت
وجية بهدوء… عمار ممكن تهدي شوية مفيش راجل بيعيط اهدي و اصلب نفسك انت مش عيل و بعدين عامل في نفسك كدة ليه و هدومك مبهدلة كدة ليه يا عمار و عشان مين انت الف بنت تتمناك
عمار وهو يبكي كالاطفال….. بس انا مش عايز الالف انا عايز حورية بس مش عايز بنت تانية انا بحبها هي و محبتش
حد تاني غيرها ولا هحب بس انا عملت كل شئ علشانها علشان اقرب منها بس هي هي حبيت غيري و مين ايهم في اية زيادة عني احسن مني في اية هو اتحدني وقالي هخدها منك بس مكنتش متوقع انه هيعمل كدة يابابا طب هروح اترجي يقولها انه كان بيكذب عليها ومش بيحبها و انا هحاول اتقرب منها تاني بس هو يقولها يابابا
وجية اتصدم من حالة ابنه و بكاه بهذا المنظر الفظيع و التي اول مرة يراه في حالته هذا ايهم. السبب في تعاسة ابنه
وجية حاول يمسك دموعه من ابنه اللي وجع قلبه… حبيبي طيب ممكن تهدي وانا هتكلم مع ايهم و اشوف اية الموضوع بس ارجوك اهدي شوية بلاش بلاش تضعف بشكل ده