هزعلك ولا هضايقك هعملك اللي انتي عايزة لو مش عايزني اكون ابن ناس اغنياء هسيب الفلوس وكل حاجه وهعيش معاكي هنا في الحارة حورية بس اديني فرصة واحدة يا حورية واحدة
هنا اني مستحملتش نبرة الضعف والقهر اللي في صوته وكانت تبكي
حورية كمان دموعها نزلت بوجع وقالت.. مش بايدي يا عمار صدقني
عمار قام بضعف… هو حد اعرفة اللي بتحبيه
حورية بخوف… ليه.
عمار ابتسم. بسخرية… متخفيش بس عايز اعرف هو مين لو سمحتي
حورية بتردد… ايهم
عمار بصدمة… مين
حورية بتوتر… ايهم
عمار بجنون… ازاي يعني قوليلي ازاي مش ده اللي هانك وضربك مش ده اللي كنتي بتكرهية ازاي حبتيه ازاي اصلا كنتوا بتتكلموا ردي
حورية بتوتر و دموع…… فاكر لما جيت اسالك علي حوار الرسايل كان هو اللي بيبعت الرسايل دي بس من زمان وكلها كانت عبارة عن حب وكلام انا اتعلقت بيه وحبيته بس من غير ما اشوفه ولا اتكلم معه
عمار بجنون… هو كان متحدني انه هيخليكي تحبيه و تسبيني هو بيكدب عليكي
حورية بتوتر… هو قالي علي الحوار ده و مكدبش عليا وقالي انه حبني و اتعلق بيا
عمار بجنون وهزها بهسترية… تعرفي ايهم ده اية يا حورية هانم ده ابن خالتي اللي هي اصلا كانت السبب في موت ابوكي يا هانم حبيه كمان روحي اتجوزي اللي امه كانت السبب في موت ابوكي