حورية ملته الرقم و سجلت رقمه وبصت في الساعة بصدمة… يالهوي الساعة 11 امي هتموتني
ايهم بهدوء… اهدي انا هوصلك
حورية… لا مش هينفع انا لازم امشي دلوقتي
close
ايهم مسك ايديها وهي ماشية… استني بس هتمشي لوحدك في الوقت ده انا هوصلك ومش لازم اقرب عند الشارع بتاعك هوصلك قريب منه وهمشي وراكي لغاية ما توصلي متقلقيش استني ادفع الحساب
حورية ابتسمت بخجل
ايهم نادي علي الجرسون ودفع حق الطلبات
وخرجوا وفتح ليها باب العربية وركبها وركب جنبها
وطلع بالعربية وهو بيقول.. هشوفك بكرة
حورية بخجل… مش عارفة
ايهم ابتسم… طيب هتشوفي بكرة هرن عليكي و هسالك اذا كان ينفع نخرج سوا شوية وبعدين ارجعك تمام
حورية ابتسمت… تمام
وقف بالعربية قبل الشارع بتاعهم بشارعين
وقال.. يلا انزلي وانا همشي وراكي
حورية ابتسمت…. مفيش داعي تتعب نفسك انا هعرف اروح لوحدي