في الشركة وجيه ذهب عمار في بدري عن معاده علشان يشوف حورية
وفعلا دخل الكافتيريا وشافها قاعدة شاردة
عمار ابتسم… صباح الجمال
حورية ابتسمت…. صباح النور جاي بدري انهارده
عمار ابتسم… علشان اشوفك واتكلم معاكي اية اللي حصل امبارح عايز اعرف
حورية ابتسامتها اختفت وقالت… انا مش عايزة اتكلم في الموضوع ده لو سمحت يا عمار
عمار بحزن… بس انا عايز اعرف اية اللي حصل فيكي من الحيوان ده وكان عايز اية وضربك ليه الاسئلة دي
هتموتني يا حورية
حورية بحزن…. مش عايزة افتكر حاجه يا عمار الله يخليك بلاش نتكلم خلاص خلصنا منه واترفد.
عمار محبش يضغط عليها اكتر من كدة سكت وقال طيب
حورية ابتسمت…. تعرف انا اتبسطت جدا امبارح استاذ بيجاد قال ان انا وانت ممكن نروح الكليه تلات ايام في
الاسبوع ونرجع بعد الكلية وبعدين انا وماما اتصلحنا امبارح
عمار ابتسم…. طيب اخبار كويسة ممكن تجيبي رقمك وتاخدي رقمي ولو حصل اي حاجه ترني عليا
حورية ابتسمت… طيب هات تلفونك اسجل رقمي
عمار ادلها التلفون وبعدين سجلت رقمها وهي كذلك
حورية ابتسمت وقالت… يلا نطلع المعاد جه
عمار ابتسم.. يلا
.،..،،.،..،.،.،.
في المكتب عند ايهم كان يجلس والعرق ينزل منه والحر كان شديد يشتغل مثل الموظفين لا يوجد تكييف يجلس امام ملفات كثيرة وكبيرة