شاهندا بهدوء… هو قاعد مع ريهام بيتغدوا في الجنينة لو تحب تروح تاكل معهم وتدردش
عمار بضيق… لا انا مش بحب ريهام وهي مش بطيقني
close
شاهندا بحزن… ليه بس يا عمار البنت كويسة جدا يا حبيبي
عمار بضيق… هي مصطنعة كل حاجه فيها مصطنعة حتي الجمال هي مصطنعة فيه هي من كتر عمليات التجميل انا بشوفها زي العفريت
شاهندا بحزن… حرام عليك ريهام بنت ناس كبار في البلد ولازم حبيبي تهتم بمنظرها و شكلها قصاد الناس
عمار…. تمام يا خالتو انا مش هقدر اقنعك. بوجهه نظري وانتي كذلك
لسه شاهندا هتتكلم شافت ريهام وايهم داخلين عليهم
ريهام بهدوء…. ازيك عمار
عمار بضيق… كويس
ايهم قرب يسلم عليه وعمار قام وحضنه…. عامل اية جاهز للهزيمة
ايهم ابتسم…. انت اللي تبقي جاهز للهزيمة مش. انا
عمار ابتسم…… هنشوف يلا