بابا :
نور يا حبيبتى قولى للدكتور أنك ماحولتيش تقتلى نفسك ولا حاجه احكى إلى حصل معاكى.
وطبعا انا خفت من أهلى جدا وقتها و ماقلتش الحقيقة
نور :
close
انا بس جوعت شوية بليل يا ماما وكنت عايزه أقطع تفاحه بس عورت نفسى لإنى كنت دايخه شويه .
بابا :
كان لازم تنادى على حد فينا يا قلبى . عموما متتكررش تانى مفهوم .
نور :
حاضر يا بابا.
بابا :
أظن أنك سمعت يا دكتور بنفسك ايه إلى حصل مع بنتى تقدر تسبنا نقعد معاها شويه لو سمحت
الدكتور :
انت مصدق الكلام دا ازاى جرح زى ده يحصل بالطريقة إلى بنتك قالتها ؟!
ماما :
انت عايز تطلع بنتى مجنونة وخلاص يلا يا عماد ناخد نور ونمشى من المستشفى دى .
وفعلا بابا وماما أخدونى و مشيو و مفيش حد يعرف لحد دلوقت انى فعلا حاولت اقتل نفسي وقتها الا حنين .
حنين :
نور احكيلى انت عملتى كده ليه ؟!