مروان : كاميليا ..ليه دموعك دى ..النهارده عيد ميلادك ..
كاميليا : شايف ساجد وعمايله …هو عارف اد ايه بحبه ..ازاى يعمل كدا ..
مروان : عادى يا كاميليا …هى الدنيا كدا …ما انتى
اهو. عارفه ومتأكدة من حبي ليكى ومع ذلك عملتى ايه ..زيك زى ساجد بالظبط …
كاميليا لأول مرة تشعر بألم مروان
كاميليا : آسف يا مروان ..انا جرحتك كتير بدون قصد ..
مروان : ولا يهمك يا قمر ..المهم سعادتك النهارده عيد ميلادك وعايزين نفرح معاكى …
كاميليا وهى لأول مرة تنظر ل مروان بنظرة مختلفه
فهو دائما بجانبها فى السراء والضراء .دائما يحاول اسعادها ..دون مقابل …بقلم منال عباس
مروان : ممكن تغمضى عنيكى
كاميليا : اهو غمضت …
ليفتح مروان علبه بها اسورة فيها قلب احمر ..
كاميليا : دى نفس الاسورة اللى عجبتنى ..وفى المحل قالوا إنها محجوزة ومفيش غيرها …
مروان : فعلا …انتظرت اللى كان هيشتريها ..واتكلمت معاه وهو تفهم وتركها ..ما تغلاش عليكى
كاميليا : انت طيب اوووى يا مروان …