الحاج ابراهيم : انت قولتى عشان نحمى فيروز بس ما قولتش نحميها من ايه
الحاج سعيد: هحكيلك طبعا انت عارف ان ام فيروز سابتى واتطلقنا و فيروز لسه مكملتش سنه وطبعا هى سابتها ومشيت راحت القاهرة واتجوزت اكبر عدو لينا و انا اتجوزت شرين و هى اللى ربت فيروز وفيروز متعرفش حاجه عن أمها الحقيقيه
وفاكره أن شيرين هى امها
الحاج ابراهيم : ماشي بس فين الخطر فى كدا
الحاج سعيد : هى كلمتنى انهاردة وعاوزة تيجى تاخد فيروز وطبعا فيروز طيبه وهى ممكن تضحك عليها بكلمتين
وطبعا هى عاوزة فيروز عشان اللى كانت متجوزاه رماها فى الشارع وطلقها وهى عاوزة فلوس فهى بتعمل كدا عشان تهددنى بيها وانت عارف فيروز دى اغلى حاجه عندى
الحاج ابراهيم: بس المهم احنا مش عارفين زين هيعمل ايه وهو ابنى وانا عارفه كويس
بس اللى انا متاكد منه أن هو هيقدر يحميها
الحاج سعيد : ايوة ربنا يستر
عند زين
زين كان متعصب اوى ومش عارف يعمل ايه
وطبعا هو مش عاوز يعصى أمر ابوه عشان ميخسرهوش
عند فيروز
كانت فيروز زعلانه اوى و قاعده على السرير و هى بتعيط بس ما باليد حيله هتعمل ايه يعنى
عدا اليوم عليهم بصعوبه
تانى يوم
زين صحى غير هدومه ونزل قال لابوه أنه راجع القاهرة عشان عنده شغل