ألتفت “مسك” برأسها أثناء جلوسها تحدق به تغير كثيرًا عن الأمس، فكان من قبل يشبه المتسولين رغم ملابس نومه لكن الآن متأنق جدًا يرتدي بنطلون أسود وقميص أسود مفتوح نصف أزراره العلوية ويظهر صدره العاري من أسفله وعضلات صدره ، حول عنقه سلسلة من الفضة وببنصره خاتم فضي كبير بعض الشيء ويرتدي حذاء أسود
لامع ويرفع شعره للأعلي بثبات ورائحة عطره الرجولي ملأت الغرفة من دخوله أم عن تعابير وجهه فكانت حادة وغضبه يبث من عينيه وحتى انفاسه، تحدث “عبدالعال” بنبرة خافتة وصوت مبحوح من التعب:-
-هتتعلم يا تيام لو مش بمزاجك هيبقي غصب عنك، ويكون فى علمك عشان متتفاجئش برا أنا وقفت الفيزا
بتاعتك وسحبت كل الفلوس اللى فيها يعنى حضرتك دلوقت يا تيام بيه الضبع متحتكمش غير على الهدوم اللى عليك
أتسعت عينيه على مصراعيها بصدمة ألجمته ليقترب خطوة منه غاضبًا:-
-بتعمل كل دا ليه؟ بتنتقم من ابنك اللى خرج عن طوعك فيا ليه؟ ما تروح تجيبه يورثك زى ما انت عايز وربي بكفاك ولا مقدرتش عليه جاي تستقوي عليا أنا
ضاق تنفس “عبدالعال” بتعب شديد كلما ذكر ابنه وقال بتعب ويديه تشير له بان يخرج من غرفته:-
-نفس طبعه ونجاسته، لكن أنا بقي هعرف أعلمك الأدب عشان تحافظ على قرشك وتبطل نزواتك دي، ولا عايزني
أستن لما يجيلي حفيد أبن حرام بسبب أستهتارك … غور من وشي … يا جابر…جابر
حاول أن ينادي على “جابر” ليأتي ويأخذ هذا الرجل من أمامه لكن صوته يكاد يخرج من اذنه، وضعت “مسك” قناع التنفس الصناعي على أنفه وفمه بقلق ثم قالت:-