داهم وقال بنبرة قوية:-
-وأنا كمان عايز منك حاجة بالنسبة حياة أو موت… وأنتِ عارفةبموضوع الوصية وسمعتيها مش هقولك أني عايز أتجوزك لأجل عيونك الحلوة دى… ومش بعاكس بس هم حلوين وأنا راجل بقدر الجمال لكن مش معاكي.. أنا عايز
أتجوزك فترة موقتة مسافة ما أستلم ورثي وأطلقك
جزت على أسنانها بغيظ شديد منه وضربت الطاولة بقبضتها ثم قالت:-
-المرة اللى فاتت رمتك بكوباية المياه المرة دى متلومنيش على موتك بأيدي
وقفت من محلها وغادرت قبل أن تقتله الآن، أخذ “تيام” هاتفها وركض خلفها مُستغلًا فرصة حاجتها إليه، صعدت “مسك” إلى غرفتها وقبل أن تغلق الباب رأته أمام وجهها يمنعها عن قفل الباب ويقول:-
-أسمعني بس
تأففت بضيق شديد من هذا الرجل وقالت:-
-أنت مجنون جواز أيه، أنا دكتورة مسك أتجوزك أنت..
دلف للغرفة بجدية ووضوح دون خبث أو مكر وقال بجدية:-
-أنا راجل دوغري ماليش فى اللف والدوران، مش هلف عليكي وأقولك أنى بحبك وأمثل عليكي التمثيلية البايخة
اللى بتحصل فى الأفلام والروايات لحد ما تحبني وأتجوزك، أنا جاي أقولك أنى مش هتجوزك حب فيكي ولا أنى مش قادر على بعدك.. أنا بقولك أن عايز ورثي ومشروط عليا أتجوز بنت محترمة وأنا زبالة ومعترف بدا ومعنديش وقت أدور على واحدة محترمة لأني واثق أنهم مش موجودين …
كادت أن تتحدث لكنه بتر حديثها قبل أن يخرج ووضع يده أمام وجهها بحزم وقال:-
-ومش هدخل معاكي فى جدال على وجودهم وعدمه وأن صوابعي مش زي بعض لأن مش موضوعي أني أثبت دا… أنا عايز ورقة جواز بيننا وتاني يوم أستلم الورث فيه هتلاقي ورقة طلاق