-سيبنى يا دكتورة، لازم اقولهم اللى عندي…. دول بيأكلوا فى لحم بعض من كرههم وغلهم، معرفش ربنا بلاني بأحفاد زيهم ليه؟
نظر الجميع فى صمت إلى وجه “عبدالعال” لتقول “زينة” بقلق:-
-متتعبش نفسك يا جدي المهم صحتك
-متعبش نفسي وأنتوا موجودين… قولهم يا جابر
قالها وهو يشير بذراعه المرتجف على “جابر” تحدث “جابر” عوضًا عنه بنبرة قوية يقول:-
-عبدالعال بيه كتب وصيته حسب الشرع، نصيب عادل بيه من التركة كلها راح لأستاذ تيام ونصيب مدام عائشة اللى هو نص نصيب عادل بيه أتقسم بالشرع بين أنسة زينة وأستاذ زين
وقف “زين” بغضب سافر من هذا الحديث صارخًا بجدية:-
-يعني أيه دا، أنت أكيد مش فى وعيك أنت بتكتب نص اللى عندك لبنى أدم دا، لدرجة دي مضحي بتعبك وشقاك العمر كله
صرخ “عبدالعال” بيه بأختناق شديد رغم تعبه:-
-أتكلم بأدب أنا عقلي يوزن بلد وبكامل وعي، دا حقه…
بدأ ينتفض بوجع والألم يسيطر عليه فهرعت “مسك” إليه تحاول السيطرة على تشنجاته بينما “تيام” كان جالسًا محله ووضع قدم على الأخر بغرور فحسب الحصص الموزعة هو الملك هنا صاحب النسبة الأكبر، تبسم “جابر”