قالتها وصمتت لا تعرف كيف تصف له حالتها وأنتزاع براءتها وشرفها ليأخذ “زين” يدها بين يديه الأثنين يربت عليها بلطف ثم رفع نظره إليها وقال:-
-أنتِ ورد اللى ربتها على أيدي من وعمرها يوم، عارفها وعارف اخلاقها وهى مين؟ ورد اللى أقرب لي من وريد قلبي، ورد اللى أشرف من أى واحدة على وجه الأرض البنت اللى مدخلش ولا هيدخل حياتها وقلبها غيري أنا وبس، ورد البنت اللى كنت ليها الأب والأم والأخ والصاحب وكل حاجة وعشان أنتِ وردتي هتجوزك برضاكي أو غصب عنك أنا
مش بخيرك أنا بعرفك للعلم بالشيء
هزت رأسها إليه بنعم تعلن موافقتها رغم كل ما حدث فهى لا تزال “ورد” حبيبته وما حدث لها جريمة سيعاقب عليها المجرم حتمًا يومًا ما…
_____________________
صرخ هذا الرجل بغضب سافر من هذا الخبر الذي حصل عليه بفشل رجاله فى قتل “مسك” ليقول الرجل بتمتمة:-
-البنت دى قوية مشوفتش زيها قبل كدة
صرخ الرجل بقوة صارمة غيظًا منه وقال:-
-مين مسك دى اللى كل مرة تعلم علي وشكم كدة
فتح درج مكتبه بغضب ليخرج الصورة التى تركها مساعده لها حتى ينظر إلى وجه “مسك” وقال بصدمة ألجمته من رؤية ملامحها وقال:-