-معاش ولا كان يا قلبي، ورحمة أمى لا وغلاوة ورد فى قلبي لترجع ضحكتك وحياتك هتنور من تاني
ضمها إليه لتتشبث به بأستماتة قوية وهى لا تملك أحدًا سواه فى هذا العالم فتمتمت بصوت مبحوح:-
-متسبنيش يا زين، لو سبتني أنا هموت والله هموت
طوقها بذراعيه بدفء وبدأ يمسح على شعرها بحنان حتى تهدأ من روعتها وقال بخفة:-
-أسيبك أيه يا عبيطة بقولك أنتِ روحي اللى عايش بها فى حد بيسيب روحه طب يعيش أزاى
أبتعدت عنه بقلق وعينيها بئر من المياه من كثرة دموعها ووجنتيها مُلتهبة كالجمر من شدة البكاء، قالت وهى تغلق
أناملها على ملابسه بأستماتة:-
-زين…
قاطعها ببسمة تنير وجهه وقال بجدية:-
-تتجوزينى؟
أتسعت عينيها على مصراعيه بصدمة ألجمتها من طلبه رغم ما حدث إليها فتبسم أكثر على تعابير وجهها وقال:-
-مندهشة ليه؟ أنتِ مش خطيبتى وطبيعي أنى خاطبك عشان أتجوزك نأجل ليه؟
أبعدت يده عنها بقلق من سؤاله وقالت بجدية:-
-زين أنت واعي للى بتقوله؟
أومأ إليها بنعم وبسمته لا تفارق وجهه لتتابع “ورد” حديثها بحزن قائلة:-
-أنا مش عايزك تضغط على نفسك ولا تشفق عليا …
رفع يده للأعلي على وشك صفعها بتهديد وقال بحزن:-
-يا بنت الأيه… شفقة على مين؟ هو أنا لسه عارفك يا بنت دا أنا خاطبك بقالي 3 سنين وقبلها عمرك كله سنين حب، بحبك من يوم ما أتولدت فى بيتنا يعنى حوالي 17 سنة .. أخرتهم أيه يعنى غير الجواز جبتي الشفقة دى منين يا أم مخ تخين
-بس أنا….