ظلت تتحاشي النظر إليه بخوف وحرج كبير، تحدثت بنبرة دافئة:-
-بصي ليا
-مش قادرة، مش قادرة أبص فى عينيك يا زين، أنا بقيت ….
قاطعها بنبرة قوية جادة وهو يحكم قبضته على وجهها حتى تنظر إليه بالقوة:-
-متقوليش كدة… أنتِ وردتي وحياتي وهتفضلي قلبي وروحي واللى حصل والله لأجيب اللى عملها من تحت الأرض حتى لو فى بطن الحوت وأرميه تحت رجلك
تساقطت دموعها من جفنيها بأنكسار تشق طريقها على وجنتيها حتى وصلت إلى يديه التى تحيط بوجهها، قالت بلهجة واهنة:-
-أنا أنكسرت يا زين مبقتش أنفع حتى نفسي، هتعوز من واحد زي أيه؟ هبقي عبء عليكي
جفف دموعها بأنامله بلطف وحنان يكفي بأن يمتص كل أوجاعها وحزنها، حبًا لم تتلقياه من أحد سواه، حبه يحيي القلب الميت .. قال بحب دافئ:-
-عبء!!! أنتِ عبء دا أنتِ روحي اللى عايش بها أزاى تقولي كدة، عايز منك أيه؟ عايز حُبك وقلبك وضحكتك اللى وحشتني وبراءتك اللى بتخطفني
نظرت إلى عينيه بأنكسار وقالت:-
-قتلوا البراءة يا زين، براءتي اللى بتحبها قتلوها بقسوتهم زى الكلاب، كل حتة فى جسمي كانت بتتقطع بسكاكين
قبل جبينها بلطف وقال بحب:-