ورد لما جت الست دى قصادي فى اوضة العمليات بسبب مرضها والبنت اللى شافت الجحيم على أيدها هى اللى أنقذت حياتها … أنا حكيتلك اللى محدش يعرفه غير واحدة بس… غزل أختي عارفة لما حكيت لها على خطفي أصرت تدربني على القتال وأزاى أدافع عن نفسي وبسببها مفيش هواية مبعرفش أعملها تقريبًا سباحة وتسلق وتزلج أمواج وملاكمة ورماية وضرب نار مفيش وسيلة للدافع عن النفس معرفش أعملها… يمكن دا سبب كافي
لشخصيتي الشرسة لكن دا ميمنعش أن لما شوفت ضحكتك أول يوم حسدتك على عفويتك وبراءتك، متوقفيش حياتك يا ورد أنجحي وأقوي عشان لما يجي الوقت تأخدي حقك تأخديه بأيد قوية من حديد
أومأت “ورد” إليها بنعم لتبتسم “مسك” بعفوية وربتت على كتفها بحنان ثم قالت:-
-أنا همشي عشان دا وقت الرماية وشوفي لو حابة تتعلمي أى حاجة أنا موافقة بشرط تعلمينى الغطس
أومأت “ورد” لها بنعم لتغادر “مسك” من مكانها مُتمنية أن تكن بحكايتها تمكنت من التخفيف عن هذه الفتاة المُنكسرة وربتت على روحها المذبوحة……
_____________________
تحدث “جابر” بهدوء وعينيه تحدق فى وجه “عبدالعال” قائلًا:-
-مفيش دليل واحد يثبت أن تيام هو اللى عمل كدة فى ورد
أومأ “عبدالعال” إليه بلطف ليقول بتمتمة:-
-عارف، تيام ميعملهاش
أعطاه “جابر” التابلت لكى ينظر به ويقول بجدية:-
-أديته مفتاح عربيته أمبارح