جهشت “ورد” فى البكاء بضعف وإنكسار وجسدها ينتفض وجعًا وتضع وجهها بين كفيها بألم لتقول بتلعثم:-
-أنا أنتهيت ، كل حياتي وأحلامي أدمرت يا ريتك ما انقذتني مكنتش شوفت نظرات الناس وهم بيشاور عليا ويقولوا أهى ولا كنت عشت فى النار اللى جوايا
نظرت “مسك” إلي البحر بعيني دامعتين رغم أبتسامتها وقالت بنبرة تفائلية:-
-أحكيلك حكاية… مرة بنت راحت المستشفي وجسمها مفهوش حتى سليمة بعد ما عربية خبطتها كسرت كل عضمة فى جسمها، كانت بنت فى أعدادي باباها أنفصل عن مامتها وأتجوز من واحدة تانية كان فاكر أنها طيبة زى
وشها الملاكي لكنها كانت شيطان دخل بيته، قدامه بتعامل ولاده على أنهم فى الجنة وأول ما يمشي تنزل ضرب وغل فيهم وتحرمهم من الأكل وتحبسهم فى الأوضة، حتى الحمام كانت بتحرمهم منه، أبوهم كان مُتيم بها جدًا مبيعرفش يزعلها وفي يوم بنته الصغيرة اتخطفت كانت فى ثالثة أعدادي ومكنش يعرف أن اللى خطفها مراته
اللى بتحاول تخلص منها هى وأختها بأى طريقة عشان هى مرات أب، أخدتها وحبستها وبدأت تضرب فيها بقسوة مخلتش حتة فى البنت دي سليمة ولما أبوها بلغ الشرطة رمتها فى الشارع وقالت أن عربية خبطتها وهددت البنت أن لو فتحت بوقها بكلمة هتقتل أختها وسكتت وفعلًا قالت للكل أن عربية خبطتها لكن البنت دى مستسلمتش
للخوف والرعب اللى عايشة فيه، رعب لدرجة أنها كانت بتعملها على نفسها مجرد ما تسمع صوت مرات أبوها مش تلمحها لكنها عرفت حاجة واحدة أن الخوف هيقتلها هى رغم أنها طفلة وأصرت تنتقم لكن انتقامها كان فى نجاحها، النجاح بقتل يا ورد ، ومرت السنين والبنت كبرت وبقت من أكبر الدكاترة وناجحة وأهي قاعدة قصادك
توقفت “ورد” عن البكاء ونظرت إلى وجه “مسك” لا تصدق بأن هذه الفتاة عاشت هذه المعاناة والألم مع زوجة أبيها، نظرت “مسك” إليها ببسمة كأنها تعافيت تمامًا مما عاشته وقالت:-
-يمكن اللى عيشته مش زى اللى عيشتي لكنه وجع وكان سبب فى نجاحي وإصراري، عارفة أنتصاري كان أمتى يا