قالها بسخرية من كلمتها، وضعت اللاصقة على جبينه وقالت بعد أن وقفت من مكانها بحدة:-
-أنت المسئول عن حالتك!! ولعلمك بحالتك دى مش هتقدر تأخد منه اوضة مش منصب الرئيس لأن واحد زيك بقرفك دا معتقدش أنه يستحق يكون رئيس ومسئول عن المكان دا واللى يصوت لك يبقي متخلف رسمي
غادرت الغرفة بعد أن ألقت عليه قنبلة قاتلة وتعترف أمامه بفشله…
_______________________
وضع الحارس صورة إلى “مسك” على المكتب والرجل يعطيه ظهره واقفًا وراء المكتب ينظر إلى البحر ومياهه الزرقاء ليقول الحارس:-
-دي مسك!! بسببها فشلت محاولة قتل تيام والنهاردة أنقذته من الموت على أيد زين
-اقتلها!! أى حد يقف قصادك في قتل تيام شيله من على وجه الأرض
قالها الرجل بحدة صارمًا فى أمره دون أن يلقي نظرة على صورة “مسك” أو يستدير له فقال الحارس بهدوء:-
-بس جريمة قتل فى القرية بعد الحوادث اللى حصلت هيقل من قيمة الأسهم وأحتمال تتسبب فى إفلاسها
نفث الرجل دخان سيجارته بقوة فى الحائط الزجاجي الذي أمامه وقال بغضب مكبوح:-
-أى حاجة ممكن تتصلح غير موت تيام، تيام هيموت حتى لو أخر يوم فى عمري واللي أسمها مسك دى ما دام حاجز وعائق يبقي تموت وأى عائق يحاول يحمي تيام هيموت حتى لو كان شعب بحاله
________________________