يجيب وقال:-
-ألو
أتاه صوتها المتذمر وغضبها فى نبرتها الحادة تقول:-
-أنت عملت كدة ليه؟
-عبدالعال شخصية مهمة فى المجتمع وراجل له وضع وحالته حرجة أضطر يخرج من المستشفي بعد عمليتين فى القلب بسبب شغله وطبيعي كنتي تهتميه بيه يا مسك دا شغل وأهو على الأقل متحسيش أنك فى سجن
قالها وهو يسير فى الردهة والهاتف على أذنه لتتحدث “مسك” بنبرة قوية:-
-أنا مبقتش فاهمة حاجة، بعتني الغردقة عشان شغل ولا عشان خايف من الناس اللى بتطارد غزل ليأذوني
فتح باب مكتبه بلطف ودلف ثم أجاب على حديثها بنبرة هادئة قائلًا:-
-الأثنين يا مسك، غزل واقعة مع تاجر مخدرات ميعرفش ربنا ومعندوش رحمة وكل اللى يجي عليه بيأذي هو وعائلته حتى لو كان طفل رضيع ميعرفش حاجة، وعبدالعال راجل حالته حرجة وافقت انه يخرج من المستشفي بشرط أنه يخبيكي عنده لحد ما أظبط الأمور هنا وأطمن على أختك
-بابا أنا مش ضعيفة
تنهد بهدوء شديد من هذه الفتاة ثم قال بيأس مُستاءًا من تمردها:-
-ولا غزل كانت ضعيفة يا مسك، غزل كانت فى الجيش ومدربة كويسة أوى لو أنتِ شايفة أن القوة فى التدريبات