-هى كويسة؟ ربنا يستر اللى ممكن يحصل لو أنسة ورد جرالها حاجة
تركت “مسك” الملعقة من يدها بفضول شديد يقتلها حول معرفة خبايا هذا المكان وأسرار هذه العائلة فقالت:-
-كويسة، تفتكري تيام ممكن يكون هو اللى عملها؟
رفعت الخادمة نظرها إلى “مسك” بأندهاش من ألحاق التهمة به وقالت بجدية:-
-لا، مستحيل تيام بيه ميعملهاش، هيعملها ليه وهو أصلًا مش عايز حاجة من العائلة دى لا مال ولا سلطة ولا أملاك… أقولك على حاجة هو طيب والله من جواه أنتِ مشوفتهوش زمان كان مهندس شاطر وناجح لحد ما شاف أبوه مع واحدة فى وضع يعنى لا مؤاخذة وبعدها أتجوزهان قام تيام بيه بقي مستكتش ساب البيت فى مصر وجه
هنا وبدأ يشرب ويسكر وكل يوم مع واحدة شكل ومن بلد مختلفة وقفل مكتب الهندسة بتاعه وبقي على الحال دا بينتقم من أبوه ليه بقي؟
تبسمت “مسك” بسخرية على هذه السيدة التى باحت لها بكل شيء دون أن تعرفها وقالت بتهكم:-
-ليه؟
-عشان الست عائشة بنت عبدالعال بيه الصغيرة ماتت قام بقي أخوها عادل بيه ابوه تيام بيه بقي هو الوريث وبعد عمرًا طويل هورث الجمل بما حمل بس بعد عملته وغضب عبدالعال بيه عليه لأن مراته مش بنت أصول دى بترمي الفلوس على الأرض ببزخ قاله أنه مش هيورث جنيه واحد والتركة كلها هتروح لأحفاده اللى هم تيام بيه وزين بيه
والست زينة وطبعًا سيدي تيام مش طايق أبوه ويشوف العم ولا يشوفهوش مشي فى الطريق دا عشان جده يحرمه من الميراث زى ما عمل مع أبوه وبكدة مبيقاش فى أي وسيلة لعادل بيه أنه يورث ولا حتى عن طريق تيام بيه
أومأت “مسك” بأندهاش من عقلية هذا الرجل وقالت:-
-يعنى دمر حياته عشان أبوه ميورثش جنيه منه طب ما كان خد الورث ومداش حاجة لأبوه وخلاص
-عقليات بقي يا دكتورة تقولي ايه؟
قالتها الخادمة بسخرية من الحديث، أنهي “جابر” لقاءه مع “عبدالعال” وخرج لتقف “مسك” من مقعدها وتدخل تفحص “عبدالعال” …….
______________________