مش ناقصين حاجة تأثر على السياحة كفاية كلام الناس
أومأ الرجل لها بنعم فتأففت بضيق شديد من هذا الأمر ثم قالت مُتمتمة:-
-أنهي غبي اللى فكر يلعب مع تيام؟
صعدت إلى السقيفة وكان “عبدالعال” يبحث فى الأمر مع “جابر” رغم انه طريح الفراش فقال بجدية:-
-تعالي يا زينة؟
-أخبار صحة حضرتك أيه؟
قالتها بلطف وبسمة مُشرقة فأجابها بجدية صارمة:-
-بخير!! عرفتي باللى حصل؟!
أومأت إليه بضيق شديد ثم قالت:-
-الفندق كله بيتكلم، خايفة يطلع أشاعات وتأثر على جودة المكان وترعب السياح حضرتك عارف أن أهم حاجة السلامة عندهم والأمن ودا اللى بيميزنا عن كتر من الأماكن والفنادق هنا الأمن المُشدد اللى بيضمن سلامتهم
هز رأسه بهدوء شديد مُدركًا لحديثها فقال:-
-عندك حق، لازم نطمئنهم ومنديش فرصة لأى عدو أو منافس أنه يستغل دا ضدنا
وافقته الرأي ببسمة خافتة ثم قالت:-
-متقلقش يا جدي أنا هحلها وهعوضهم بحفلات ورحلات بحرية وهعملهم كمان رحلات سفاجا وتسلق جبال بأسعار
مخفضة جدًا وكمان فى هدايا
وافق على خطة “زينة” لترحل ثم نظر إلى “جابر” وقال بتعب:-
-أنا عايزك تتصل بالمحامي أنا قررت أكتب وصيتي، حاسس أنى مش هكمل لشهر
نظر “جابر” إليه بهدوء ثم قال:-
-ربنا يطول فى عمرك ويبارك لنا فيك يا عبدالعال بيه
-أعمل زى ما بقولك يا جابر، إحنا مش هنأخد زمننا وزمن غيرنا