قالها “سراج” بجدية صارمة، هز “غريب” رأسه بقلق على “مسك” وقال مُتمتمًا:-
-يعنى بيدوروا وراها فعلًا، زود الحراسة فى الدور هنا ومحدش يمر منه غير الدكاترة والممرضين اللى أنا أخترتهم وحتى عمال النظافة، مش أى حد معدي يقدر يدخل لها… الخطر موجود حتى هنا
أومأ “سراج” له بنعم موافقًا على أمره، ضغط على زر المصعد وقال مُنتظر إياه:-
-ومسك!!
تبسم “سراج” بهدوء مُطمئنًا له بلطف:-
-متقلقش يا فندم هي بخير وقوية، مسك غير غزل أنا واثق فى دا، قوية وحساسة مبتأمنش بسهولة فى حد وعدم ثقتها فى اللى حولها هي اللى هتحميها
تأفف “غريب” بضيق شديد ثم قال:-
-كله من أمها، أنا معرفش أزاى أخترت دى تكون أم لولادي، بسبب دمرتهم كلهم حتى مسك، أدي نتيجة سوء الأختيار……
______________________________
(المدينة الزرقاء blue city )
جلست “مسك” على الفراش تطهر الجرح الذي نزف بسبب حركته بأغتياظ شديد من معارضته لأمرها، كان صامتًا لكنه يلتهب من داخله وخارجه، أنفاس كالنار الذي نفثها، ضغطه بالأبرة على جرحه ليتألم أكثر وقال:-
-ااااه ما تخلي بالك
رفعت رأسها إليه بغيظ ثم قالت:-
-تستاهل، اللى ميسمعش كلام دكتورته يستاهل