(صباح الخير يا مسك
أنا محبتش أصحكي وأزعجك أو نتخانق من جديد قبل ما أمشي بس أنا عندي شغل وأنتِ عارفة أنى معنديش وقت كثير لازم أكون مستعد للى جاي، أنا كنت عايز أشكرك على كل حاجة حلوة أو وحشة حصلت بينا… شكرًا يا
مسك على كل حاجة عملتيها عشاني وأنك قبلتي تتجوزي واحد زي بمكانتك وعلمك ونقاءك وعلى كل مرة أنقذتي حياتي فيها وكل مرة وقفتي لزين عشاني، وأسف على كل مرة عرضت حياتك للخطر بسببي وأسف أنك مريضة دلوقت بسببي بس لحد هنا وكفاية يا مسك ،كفاية كل أذي ليكي بسببي وكفاية هجر والدك ليكي بسببي.. أقبلي
أعتذاري وشكري وأوعدك ميحصلش أى اذي ليكي من تانى بسببي)
تنهدت “مسك” بغضب سافر من حديثه، راسلته بضيق شديد:-
-مش مقبول .. أسفك مش مقبول
أغلقت الهاتف بضيق شديد وتركته على الأريكة ثم ذهبت إلى غرفتها غاضبة أوقفتها “بثينة” بعفوية تقول:-
-مش هتفطري يا مسك
-لا
قالتها بحدة صارمة ثم دلفت إلى غرفته غاضبة وأخبأت فى فراشها ..
__________________________
(المدينة الزرقاء blue city)
كان “تيام” جالسًا فى مكتب الرئيس فى مقدمة الطاولة الزجاجية و”زين” فى المقدمة الأخري مقابلًا له و”جابر” يجلس فى المنتصف معهم يحجز بينهم وهذا الأجتماع يشبه الحرب بين كلا الطرفين ، قذف “تيام” الأوراق على الطاولة بغضب سافر وقال بأختناق:-
-وأنا مش هعمل دا…
تحدث “زين” ببرود شديد ونبرة أستفزازية أكثر:-
-والله هو دا اللى موجود ولا أنت فاكر أن يوم ما تتكرم وتتنازل وتقرر تشتغل هتقعد فى التكييف وتشرب فنجان