-طبعًا مش روحي
همست فى أذنه بغيظ قاتل يمزقها من الداخل وهو يستغل أى فرصة لتقرب منها وتمثيل دور الزوج العاشق:-
-طلعت روحك يا بعيد… أبعد عني
قهقه ضاحكًا بصوت مرتفع ورمق هذا الشاب بعيني ثاقبة وقال:-
-بتموت فيا
-يا بختك بمسك
قالها الشاب بعفوية ليُصدم “تيام” من حديثه وقال بوجه عابس وحدة:-
-مسك!! حاف كدة من غير دكتورة ولا مدام ولا أى حاجة
-تيام
قالتها “مسك” برفق شديد وتنكزه فى خصره حتى يتوقف لكنه تابع بغيظ شديد قائلًا:-
-مفيش تيام لازم يتعلم يحترم اللى قدامه وأيه يا بختك دى .. حضرتك بتعاكس مراتي قصادي يا بجاحتك والله
نظر الشاب إلى “مسك” وأصدقائه بحرج من حديث “تيام” ثم وقف بغضب وقال:-
-أنا ماشي
-فى ستين داهية
قالها “تيام” بضيق شديد وهو يقف من مكانه ليغادر الشاب وخلفه الجميع فصرخت “مسك” بغضب سافر يمزق عقلها للتو من تصرفه الذي لم تفهمه ولا تدرك سببه قائلة:-
-أيه اللى عملته دا، أنت مجنون مين اللى أديك الحق تتدخل فى حياتي كدة
ألتف “تيام” إليها وهو يقف فى منتصف الغرفة مُشتعلًا من نيران الغيرة التى تحرقت قلبه وتصاعدت الآن إلى عقله وقال بانفعال:-
-أنتِ تسكتي خالص، دا راجل مش محترم قاعد يعاكس فيكي وأنا قاعد بكل بجاحة وكمان أنتِ اللى زعلانة، ليه شايفني مركب قرون قصادك
أندهشت “مسك” من انفعاله ونبرته المرتفعة التى تكاد تجزم أن والدتها سمعتها من الخارج، تمتمت بصدمة ألجمتها من تحوله المفاجئ أمامها:-
-قرون!! أنت بتكلمني أنا كدة؟