رفع “جابر” حاجبه بسخرية من كلمتها ووجهه كالجمر المُلتهب وقال:-
-وأنتِ بقي الملاك المسئولين، ولا الحية اللى واقف جنبك
رفعت نظرها إليه من جديد وضربت سطح المكتب بيدها غيظًا من كلمته وقال بتهديد:-
-فوق يا جابر وشوف أنت بتكلم مين؟ وأوعي تنسي مكانتك
تبسم “متولي” بخبث شديد مُلتزمًا الصمت، وضع “جابر” يديه على المكتب يتكئ بهما بقوة وعينيه تحدق بوجه
“زينة” بتحدي وقال:-
-أنا فاكر كويس أنا مين بس ياريت حضرتك تفتكري أنتِ مين؟ ومكانتك فى الهرم الوظيفي هنا ايه؟ ونصيحة منى متسعيش وراء مكانة مش ليكي من البداية لأنك مش هتحصلي عليها ولا هتقعدي على كرسي مش من حقك يا أنسة زينة..
تحدثت “زينة” بنبرة قوية تهديدية:-
-أطلع برا يا جابر واللى أنا عايزاه هوصله ومحدش هيقدر يوقفني
تبسم وهو يستقيم فى وقفته ووضع يديه فى جيوبه بغرور وقال بتهديد:-
-صدقيني محدش هيقف لك أنتِ والعقرب اللى جنبك دا غيري أنا
غادر المكتب غاضبًا من تصرف “زينة” التى استغلت سفر “زين” أخاها وهكذا “تيام” الوريث وولي العهد لهذا المكان وبدأت تضرب بهما بقوتها بطعنات الغدر……
_________________________________
مسحت “ورد” على رأسها بحنان وبسمة تنير وجهه من سلامة “مسك” ثم قالت:-
-حمد الله على سلامتك
-الله يسلمك، تعبتى نفسك وجيتي من الغردقة مخصوص عشاني
قالتها “مسك” بتعب شديد ويدها لا ترفع عن جرحها، تأفف “تيام” وهو واقفًا فى زاوية الغرفة يحدق بهما بضيق