حدق بـ “غريب” وهو يجلس جوار “غزل” ويضم يدها فى يده بحزن خيم على قلبه وأحرق صدره من الداخل، تحدث “سراج” بنبرة خافتة:-
-مش هتروح تشوفها وتتطمن عليها؟
أجابه “غريب” بنبرة قوية وحزم:-
-هو مش قاعد جنبها خلاص كفاية تيام عليها
تنحنح “سراج” بهدوء ثم قال بجدية:-
-بس دكتورة مسك بنتك قبل ما تكون مراته وأنت ليك حق فيها أكبر منه
تنهد “غريب” بحزن وقال بنبرة صارمة وقلب جاحد مُتجمد:-
-لا يا سراج، البنت لما بتتجوز بتبقي حق جوزها، بنتى لو أتعرت هو اللى هيغطيها ويسترها ولو وقعت جوزها اللى هيشيلها، البنت لما بتتجوز بتخرج من بيت أبوها لبيت جوزها وبتكون له، لما البنت بتتولد بتكون أمانة عندك لحد
ما يجي الراجل اللى اتخلقت من ضلعه عشان يأخد أمانته
نظر “سراج” بإشفاق على هذا الرجل المتكبر بجحود قلبه، يجلس هنا يفتك به الوجع والقلق عليها لكنه ما زال يتشبث بغضبه منها وخصامها ويكتفي بالأطمئنان عليها من الأطباء….
_________________________________
( المدينة الزرقاء Blue city)
اقتحم “جابر” مكتب “زينة” بعد أن سمع خبر بترتيبها لأجتماع طارئ مع المساهمين دون أن تخبره هو أو “زين” الرئيس، كانت جالسة على مقعدها وجوارها يقف “متولي”، رفعت نظرها إليه ببرود بينما يصرخ غاضبًا:-
-أنتِ حددتي أجتماع مع المساهمين
عادت “زينة” بنظرها إلى الورق الموجود أمامه، اجابته بهدوء شديد:-
-اه فيها ايه؟ عندى خطة تطويري للقرية وهنستفد منها كتير ونعلي قيمة أسهم القرية بعد الهبوط اللى حصل من وراء الملاك الغير مسئولين