وضعت يدها على جبينه تتحسس حرارته ربما أصابه حمى واصابته الهلاوس، قيدها “تيام” بذراعيه أكثر وعينيها تحدق بيه فى سكون لا تسمع سوى صوت أنفاسه حتى قاطع هذا الهدوء الصامت صوته الخافت بنبرة هامسة قائلًا:-
-جوزك يا مسك، أقبلي بيا وأقسملك أتغير عشانك وليكي، شكليني زى ما تحبي أعتبريني عجينة فى أيدك أعملي
اللى عايزاه فيها، هحبك هحاول فى دقيقة أحبك عشان كفاية أنك قابلاني بكل قرفي، شوفي عايزة منى ايه وهعمله، هبطل شرب وسجاير ومش هخطي أى كازينو برجلى ولا لساني هيخاطب بنت غيرك وعيني مش هتبص لواحدة غيرك، أقبليني بس يا مسك فى حياتك وأقسم بالله تكوني مسك الختام وزى ما بيقول وختامهم مسك
تكوني الأخيرة اه مس الأولي لكن الأخيرة ما هيكون في بعدك أى تاء تأنيث
رفعت “مسك” حاجبها بسخرية لم تصدق كلمة واحدة من هذا الحديث وقالت بتهكم ونبرة باردة:-
-أنت شايفني غبية لدرجة دى
أبتلع لعابه بقلق من نظراتها وكلمتها فقال بهدوء:-
-أنا…..
أبعدته “مسك” بقوة بعيد عنها غيظًا من هذا الحديث ليسقط “تيام” على الأرض من غضبها ودفعها له على سهو
دون سابق أنذار، كاد أن يقف لتقذف “مسك” الوسادة فى وجهه بانفعال وقالت بتهديد:-
-دا مكان نومك، ولو اتحركت من المربع دا هتطلع تنام برا على الكنبة وتبقي فضيحتك قصادك حماتك مالهاش مثيل…
تحدث بغضب ويديه تعانق الوسادة ويحدق بها، قال بتهكم:-
-أنا مشوفتش منك أثنين يا مسك
استلقت على الفراش ووضعت الغطاء عليها بأسترخاء للنوم فى فراشها واجابته بعيني تمظر للسقف:-
-عشان مشوفتش غير الرخيصين اللى بيريلوا على أى كلمة من أى كائن مكتوب فى بطاقته ذكر…
أتكا على الفراش وهو جالسًا بالأرض ينظر إليها بإعجاب من ذكائها ثم قال:-
-مصدقتنيش، دا أنا قربت أصدق نفسي وأصدق أنى هحبك بجد