-وربنا وأنا بحبك بس لا مش هضعف أنت لو مسكتنى هتقتلني يا زين
________________________
تحدث “غريب” فى الهاتف مع “عبدالعال” وقال بقلق شديد على أبنته:-
-مسك فى خطر يا عبدالعال، حافظ عليها أنا مفدرش أخسر بنتى هيجرالي حاجة لو خسرتها هبقي خسرت ولادي الثلاثة
أجابه “عبدالعال” بجدية صارمة ولهجة مُطمئنة:-
-متقلقيش محدش يعرف أن مسك هنا وأنا امرتهم ميدخلوش بيانات على السيستم نهائيًا، وخليتها تقعد معايا وأنت عارف قد أيه مكاني مأمن وحرس فى كل مكان
تنهد “غريب” بقلق أقل بعد ان طمأنه صديقه على ابنته وقال:-
-كويس، الحسنة الوحيدة اللى عملتها غزل أنها لما اتعاملت مع الناس دى معرفتهمش بهويتها الحقيقة يمكن دا يأخرهم أنهم يعرفوا هى مين ويعرفوا بوجود مسك، أنا خليت سراج يبحث عن الراجل اللى أسمه بكر النسر دا وقريب هوصله وإن شاء الله يكون قبل ما يوصل لمسك، معلش أستحملها أنا عارف أنها عنيدة وشرسة لكنها
طيبة وبتهدأ بسرعة
تبسم “عبدالعال” بعفوية وهو يتذكر تحديها لحفيده وقوتها امامه ثم قال:-
-لا من الناحية دى أطمن، أنا مبسوط أن مسك بالشرسة دى …
__________________________
فى فيلا بالشروق تحديدًا مليئة برجال الامن وكلاب الحراس، دلف رجل يحمل وشمًا على كتفه بشكل تنين وقال بجدية:-