تحدث “زين” بنبرة قوية قائلًا:-
-أنا عشانك مش أتحالف مع تيام دا أنا ممكن أتحالف مع العدوان الثلاثي
ضحكت “ورد” على داعبته وقالت ببسمة بريئة:-
-ههههه عشان كدة أنا بحبك معندكش أى أنتماء لأي حاجة غيري
تبسم بخفة إليها لكن سرعان ما تلاشت بسمته عندما فتح الباب ودلفت “مسك” تمسك يده وتسحبه معها كانها تقود الطريق له بسبب إجباره على القدوم، ظل “زين” جالسًا مكانه ولم يقف بل وضع قدم على الأخري بغرور
شديد، جز “تيام” على أسنانه بغيظ من هذا الرجل وقال:-
-أنا ماشي
تشبثت “مسك” بيده بقوة وقالت بتعجل تمنعه:-
-أستن يا تيام أرجوك، خلاص جينا
أشار على “زين” بغيظ وقال بانفعال ووجهه يحدق بعيني “مسك”:-
-مش شايفة التناكة اللى هو فيها
أشارت له بلطف وتغمض عينيها بأن يهدأ ثم جلس الأثنين علي الأريكة الأخرى، ظل “زين” يرمق بـ “تيام” بنظرات شر وغضب و”تيام” لا يقل غضبًا عنه، تنحنحت “مسك” بلطف ثم قالت:-
-أيه يا جماعة دا مش أسلوب نقاش، ممكن تهدوا شوية الصواريخ اللى طالعة من عينيكم دى
ربتت “ورد” على ذراع “زين” ليتأفف بضيق شديد وقال:-
-سمعنى اللى عندك
-أنا معنديش حاجة، أنا جاي أسمعك