ضربت “مسك” يده بعنف شديد غاضبة من لمسه إليها وقالت بضيق :-
-أياك تلمسني مرة تانية أنا مش واحدة من الزبالة اللى بتعرفهم
ضحك “تيام” ورفع حاجبه بغرور مُبتسمًا بسعادة ثم قال:-
-وعرفتي منين أنى أعرف زبالة، لدرجة دى مهتمة
قهقهت ساخرة منه وعينيها تتجول فى المكان ثم قالت:-
-أنا اهتم بيك ليه شايف نفسك مهند فى زمانه ، أنت مجرد واحد مالكش لازم ولا تسوي جنيه ، أنت فاكر نفسك
مين؟
وضع “تيام” يديه الأثنين فى جيوب بنطلونه بغرور وقال بكبرياء شديد:-
-أنا تيام الضبع متجرأش واحدة زيك ترفع عينيها فيا
نظرت “مسك” للأرض بسخرية من كلمته ثم أخذت خطوة نحوه بجراءة وثقة، رفعت نظرها إلى عينيه تتقابل معها بكبرياء حواء ثم قالت:-
-واحدة زي!!!! ، أنا جراحة ومعايا دكتوراة وحاصلة على الحزم الأسود فى الكاراتيه وواخدة بطولة الجمهورية من
سنتين فى الرماية… لكن مين تيام الضبع مسمعتش عنه غير أنه واحد صايع ضايع زبون فى الملاهي الليلي
كز على أسنانه بغضب سافر من هذه الفتاة وشعر بالإهانة تفتت رجولته وعقله أمامها، أخذ خطوة نحوها أكثر بعد أن قضم شفته السفلية بأسنانه من الغيظ وقال بغضب:-
-بس نسيتي تسمعه عن قذارته وأنه ممكن فى لحظة واحدة يخليكي متسويش حاجة
قالها وعينيه ترمقها من الرأس لأخمص القدم بنظرة شهوانية مُخيفة لتبتسم ببرود وهى حقًا لا تخشاه ثم قالت بتهكم:-