جففت دموعها بضعف بقوة محاولة أن تتشبث بهذه القوة التى سقطت عنها أرضًا مما حدث وأكملت الحديث:-
-غزل كانت توأمي، مهندسة فى الجيش وقوية، ماما أقنعتها أن فى حد قتل أخويا وهى صدقت وسابت الجيش وبدأت تدور وراء كل الناس اللى يعرفهم لحد ما وصلت لتاجر مخدرات وعرفت أنه أجبر أخويا يشتغل ديلر، زيفت هواية ليها وقربت من الناس دى عشان تعرف الحقيقة وفى يوم لاقيتها داخلة عليا وقالتلي أنها عرفت معلومات خطيرة ومهمة هتسجن بيها الراجل
دا، لكن بعدها بيومين لاقيتها فى المستشفي شبه ميتة فى حادثة عربية ودخلت غيبوبة، بابا قرار يبعتني هنا بالأجبار لانه كان خايف أنهم يأذوني أنا كمان ويبقي خسر ولاده الثلاثة لأنه عرف أن تاجر المخدرات بيدور وراها
عشان المعلومات دى وهيأذيها لأن غزل كانت واثقة أن اللى معاها واللى عرفته عنه هينهي حياته بس هى ملحقتش وماتت…
جهشت باكية ولم تقوى على التفوه بكلمة واحدة بعد ذكر نهاية أختها ، جذبها “تيام” إليها يضمها بين ذراعيه
فجهشت باكية بأنهيار مُتشبثة به بكلتا يديها تنتفض بين ذراعيه ويشعر ببرود جسدها لكنه ربت عليها بلطف وهمس إليها:-
-أهدئي طيب
أبتعدت عنه وقالت بحزم غاضبة وقد تحولت لرماد من نيران الفراق التى أحرقتها:-
-هتساعدينى؟
-الراجل دا يبقي بكر صح اللى طلبتيه مني معلومات عنه
قالها بحزم شديد من إصرارها على الأنتقام فأومأت إليه بنعم ليقول:-
-أنتِ متقدرتش تلعبي معه، دا راجل قذر
نظرت إلى عينيه بقلق من أن يخشاه ويرفض مساعدتها فقالت بجدية:-
-الراجل دا جالي لحد عندي يعنى بيدور ورايا لو مأذتوش هو اللى هيأذينى، وبعدين أنا مبخافش وهو عارف دا كويس
أبتلع “تيام” لعابه بحيرة من أمرها ثم قال:-
-أنتِ متعلمتيش من اللى حصل، أختك وصلت لهنا عشان فكرت تقرب منه وأنتِ هتكرري نفس اللى هي عملته
أومأت إليه بنعم بتحدي فهى ستنال من هذا الرجل مهما كلفها الأمر ليقول بضيق شديد:-
-بكر نازل فى الأوتيل هنا؟ يعنى هو ناويلك يا مسك ومش بعيد يكون هو اللى عايز يقتلك، متنسيش أن من ساعة