فى شقت نور //
دخلت نور تشوف الملفات بعد ما فيروز مشيت .
نور :
ها يا ترا ايه إلى فى الملفات دى .
وفضلت نور تقرأ فى الملفات أزيد من ساعة
نور :
ايه كل ده الملفات ديه مفيش فيها معلومة واحده مفيده كل إلى مكتوب فيها معلومات عديه عن أهل أمنيه انا
اصلا عرفاهم من ملفها فى المستشفى المعلومة الوحيدة الجديدة هيا انهم ماتو عن طريق الطع’ن بالسكي’نه.
مش معقول تكون دى كل المعلومات إلى وصل البوليس ليها فيه حاجه غلط .
طيب انا المفروض أعمل ايه دلوقتي!
نور :
الو يا متر انا أسفه انى بتصل بحضرتك فى وقت زي ده
على (المحامى ) :
لا ولا يهمك يا نور بس أكيد فيه حاجه مهمة
نور :
الملفات الى كنا طلبنها من الظابط محمود وصلتلى النهارده بس دول مفيش فيهم اى معلومة مفيده وكل إلى مكتوب فيهم معلومات عن أهل أمنيه موجودة أصلا فى ملفات المستشفى.
المحامى :
امال انتى كنتى متوقعة اي ؟! هما ها يدوكى المعلومات إلى هما شايفين أنها تلزمك وبس .