:
رفع الساعة قُدامُه وبصلها بحب، كل إللى حوليه بيقولوله إنه بيحبها، حتى قلبُه بيقول إنه بيحبها، بس هو بيكذبهم، يمكن لأنه خايف يتوجع تانى، بقا خايف يثق فى حد من بعد إللى حصل، بس جواه اشتياق إنه يشوفها ويتكلم
close
معاها، حط الساعة مكانها وقال بثقة:
– حاسس إنى هشوفكِ قريب اووى أنا مُتأكِد.
قفل نور الأباجورة وراح فى النوم علشان يقوم تانى يوم يسافر لشغلُه ويا عالم القدر مخبيلُه إيه!
~~~~~~~~
《 إسكندرية》الساعة الثانيه من منتصف الليل》
– تعرفي إنُه المكان ده تحفة اووى.
– طبعًا يا بنتي مش أنا إللى اخترتُه.
– ماشي يا ست ريم خلينا فى المُهِم.
مسكِت المج بتاعها وقعدِت قُدام التليفزيون:
– وإيه بقاا المُهم ؟
– بقيتي الفترة ديه بتسرحي كتيرر قوليلي بقاا عقلكِ بيفكر فى مين ؟
رفعت كتافها وقال بابتسامة:
– الشُغل طبعًا يا الاء .