-و دلوقتي من فضلك إمشي. إمشي قبل مـ آ ..
بترت عبارتها بشهقةٍ ملتاعة حين أتى من خلفها بغتةً قبل أن تمتد يدها إلى المقبض، أجبرها أن تلجئ ظهرها للجدار، بينما يضع يديه عند جانبيّ رأسها محاصرًا إيّاها، قسماته الصلبة لا تتغيّر و يُبقى عينيه معلّقتين بعينيها …
-إنتي شكلك مافهمتيش ! .. تمتم بقساوةٍ تشبه ملامحه الآن
-أنا مش جاي أناقشك و أحاول أقنعك. إنتي هاتسمعي كلامي و هاتنهي المهزلة دي ..
كتمت شهقة أخرى عندما لف ذراع في لمح البصر حول خصرها و إلتصق بها بقوةٍ، تنظر إليه بشحوبٍ و قلبها يدق
بإسراف، و كأنها مشلولة، تنظر إليه محاولة تدبير ردة فعل، تباعد شفتيها منتظرة أن تأتي كلمات الرفض و الإحتجاج، لكنها لا تأتي
ابتسم بشرّ لإدراكه مدى ضعفها بين يديه و كسر الصمت بينهما مداعبًا وجنتها بإبهامه :
-إنتي بتاعتي يا إيمان. كنت غبي مرة لما سيبتك لغيري. كنت عيّل و غبي بجد. عقوبتي خدتها لما واحد غيري لمسك. و خلّفتي منه. و فضلتي معاه 3 سنين من عمرك.. دلوقتي مش هاسمح لك تكرريها تاني. إللي مهونها عليا إنه مات. لكن واحد تاني يفكر يقرب منك.. مش هايحصل يا إيمـان !!!
-و إنت كنت فيـــين ! .. صاحت فيه الآن محاولة الإفلات منه
-كنت فين من الأول. و كنت فين لما رجعت و لاقتني لسا بحاول معاك ؟ هو انت كده طول عمرك. مفكر ان أي حاجة تحت إيدك و تقدر تاخد إللي انت عايزه في أي وقت. ده كان زمان يا مراد. أنا مابقتش إيمان بتاعة زمان
شدد قبضته حولها بتملكٍ واضح و قال من بين أسنانه :
-إنتي زمان و دلوقتي و في كل وقت ليا يا إيمي. سامعاني كويس. إنتي كلك ليا. ماتقدريش تحبي غيري. ماتعرفيش أصلًا يعني إيه حب غير و إنتي في حضني أنا.. تنكري ؟
أحسّته يتمادى.. في كل شيء، فإلتهب وجهها من شدة الغضب و قد تملكتها الصحوّة و انفجرت منفعلة من بين أسنانها :
-شيل إيدك عني يا مراد. أنا بحذرك.. هاصرخ !!!
ابتسم بسخريةٍ و قال بقسوة دون أن يفلتها قيد أنملة :
-حاولي تصرخي كده. ماتقدريش. إنتي ناسية أنا مين ؟ أنا مراد.. أنا حبيبك !
ردت بنزقٍ عصبي :