_ هو أني جولت أيه عصبك أكده؟
ثم نظر إلى عمران وأردف
_ اني جولت حاچه عفة لا سمح الله؟
close
هز عمران رأسه بيأس منهم وقال
_ لا مجلتش حاچه ياولدي يلا كملوا وكلكم
همّ بالتحدث مرة أخرى ليمنعهم جمال بأمر
_ ولا كلمة زيادة وخلصوا عشان تلحجوا مدرستكم
التزموا الصمت لينظر جمال إلى جاسر قائلًا
_ أمجد الأنصارى چاى النهارده چهزت الأوراج المطلوبة
أكد جاسر
_ كل حاچه چاهزه زي ما أتفجنا وچاهزه عـ الأمضة
_ زين
ثم نظر إلى وسيلة وتابع
_ ياريت ياوسيلة تچهزوا الاوضة اللى چانب المضيفة ممكن يحتاچ يرتاح شوية من الطريج
ردت وسيلة
_ من عينيه
❈-❈-❈
_ يعنى أيه الكلام ده؟ هتمشي كلمتهم عليا
هكذا كان ردها عندما أخربها بموافقته على سفرهم فيرد ببرود أغضبها
_ من حقهم يسافروا مع أصحابهم مش هقيد حريتهم اكتر من كده