تحدث بإمتعاض
_ أومالك مالك بجى هتكشري أكده ليه؟
عاد الحزن إلى ملامحها وقالت بحزن
_ ماانت خابر اللي فيها، مجدراش افرح وهو مش موچود
close
رد جمال بتفاهم
_ خابر زين من غير ما تجولي وأني أتصلت عليه دلوجت وخبرته إن فرحي في ميعاده وهو جالي أنه هياچي
سألته بسعادة
_ صُح ياولدي؟
أكد قائلًا
_ صُح متجلجيش ده بردوا أخوى وعمر الدم ما يبجى ماية
ردت بإمتنان
_ ربنا يكملك بعجلك ياولدي ويهدي أخوك ويرچعه لينا من تاني.
اومأ له دون النطق بشئ وهو يتذكر تلك المكالمة التى لم تتعدي ثواني معدودة
فلاش باك
كان جالسًا في المطعم بجوارها عندما رن هاتفه فيظهر القلق عليه عندما وجده رقم جمال أخيه، فسألته بترقب
_ مين اللى بيتصل؟
رد باقطتاب
_ ده جمال أخويا