_ مش عارف اجولك ايه، بس جلبي حاسس إن في مشكلة كبيرة خلاتها تاچي من ورا منصور إكده، وشاكك اكتر إن ممكن يكون السبب فيها منصور او سمر
ردت وسيلة بنفس حيرته
_ انا كمان مستغربه زييك واكتر كمان، بس البنت شكلها زينة جوي وكيف النسمه أكيد حدا منهم زعلها وهو ده
اللي خلاها تاچي غصب عنيهم
أومأ جمال ثم قال بجدية
_ أني عايزك تاخدي بالك منيها زين وأوعاكم تحكولها حاچه عن اللي عمله أبوها زمان
وخلي ابنك ميضيجهاش بأسئلته البايخه دي ولا يتحددت معها واصل
لحد ما تهدى وترتاح وبعدين هجعد معاها واعرف ايه اللي مزعلها منيهم
يتبع….
وفي الصباح
استيقظت سارة من نومها بعد ليل شاق مليء بالمآسي
وها هى ما أن تذكرت ما حدث حتى تجمعت العبرات داخل عينيها لتعاود البكاء بحزن وقهر مرة أخرى
طرقات خافته على باب الغرفة جعلتها تقوم بمسح دموعها بسرعة ثم سمحت للطارق بالدخول لتجد زوجة عمها
تدخل وهى تقول بابتسامة عريضة
_ صباح الخير ياسارة كيفك دلوجت
حاولت الأبتسام كي لا تلاحظ حزنها وقالت بثبات