لتربت على يده وتقول بتعاطف
_ مسير الغايب يعود.
أومأ برأسه دون قول شيء لينظر إلى جمال ويسأله باهتمام
close
_ أمچد كيفه دلوجت؟
رد جمال
_ الحمد لله بجى زين وهيرچع بكرة الصبح مع الدكتور اللي بيعالچه
تحدث عمران براحة
_ الحمد لله، ربنا عالم بابوه اللي محلتوش غيرة
نظر إلى ليلى وتابع بعتاب
_ بس ياريت اللي حُصل ده ميتكررش تاني
ردت ليلى بخفوت
_ حاضر ياچدي.
قال معتز لحازم توأمه
_ شايف جاسر أخوك الود وده يجوم يعلجها من رجليها، ماخبرش أخوك ده طالع اكده لمين؟
نظر حازم إلى والده وقال
_ مع إن أبوك على حدته دي بيبجى كيف العاشج الولهان وهو بيبص لأمك حتى شوف.
نظر معتز لوالدته التي تضع القهوة بأهتمام أمام والده الذي ينظر إليها بنظرات عشق لم تخفى على أحد