مجدي وهو يساله ايه اللي حصل هو عمل حادثه ازاي ده النهارده كان فرحه ازاي عمل حادثه انا عايزه افهم كل حاجه
حسين …والله يا ابني ما اعرف اي حاجه انا كنت ماشي في الطريق وفجاه لقيته ما عرفش ياخذ اي اتجاه وفجاه خبط في شجره كبيره وانا انزلت اشوفه لقيته بالمنظر ده وجبته بسرعه على الغرفه هنا وانت اخر مكالمه كانت على التليفون عشان كده اتصلت بيك
جمال … يرن على مجدي
مجدي.. يبعد عن حسين ويفتح التليفون ويرد على اخوه
جمال بصوت عالي.. انت فين يا مجدي دلوقتي انا مش عارف انت في اي مستشفى وايه اللي حصل
مجدي … يمسح دموعه ويعطي له عنوان المستشفى ويقول له تعالى بسرعه انا خايف قوي عليه لتحصل له حاجه
حليمه وهي… تنزل من السياره وتدخل الفيلا عند زهره
زهره … تجهز نفسها وتمسك الشنطه وتفتح الباب وتلاقي امها في وشها
الام وهي.. تترمي في حضنها اهدي يا بنتي انت عرفت ايه اللي حصل
زهره بخوف ايه في ايه وايه اللي جابك في الوقت ده ده الساعه دلوقتي اثنين يا ماما ايه حصل في حاجه حصلت لبابا ولا حد من اخواتي اتكلمي يا ماما ساكته ليه
الام وهي تخرج من حضنها لا يا بنتي نحن الحمد لله كويسين وبخير بس للاسف اللي حصل ان عمار عمل حادثه وهو دلوقتي في
المستشفى هو انت ما سمعتيش ولا ايه وتنظر الى الشنطه وترجع تنظر الى بنتها
زهره.. لا يا ماما ما سمعتش وتو كان معايا هنا في البيت وحصلت خناقه بينا وطلع مش عارفه راح فين انا عايزه اروح يا ماما وديني