خالد/ قاعده بتعمل سلطه
رسلان دخل المطبخ وباس ايد خالته حنان وراسها/عامله ايه ياخالتي
حنان/ الحمدلله يا حبيبي انت عامل ايه يعني متجيش يا رسلان تشوف خالتك وعمك غير لما عمك اللي يرن عليك ويقولك تعالى
رسلان / حقك عليا ياست الكل والله مشاغل ومش فاضي خالص انتي عارفه
حنان / ربنا معاك يا حبيبي
دخلت ملاك / السلام عليكم
رسلان / وعليكم السلام عامله ايه يا ملاك
ملاك/ الحمدلله في فيض من النعم
رسلان بتسبيل / والله ده انتي نعم ملاك وانتي ملاك فعلاً
خالد دخل فجأه بهجوم / لااااااااااااااا انت بتعاكس أختي في بيتنا في مطبخنا ومسك جزره من السلطه اللي مامته بتعملها / لا يسلم الشرف الرفيع من الأذى حتى يراق على جوانبه الدم وطلع يجري ورا رسلان
رسلان بتمثيل الخوف / لا متقتلنيش ده أنا غرضي شريف
خالد / شريف والا حامد هقهقهقهق
رسلان وهو بيمسك شبشب كان على الأرض حدفه في وش خالد / أبو سئالتك
بيدخل عبدالهادي ومحمد
عبدالهادي / ايه يا ابن الغالي متفتكرش عمك غير لما يقولك تعالى
رسلان وهو بيسلم على عمه ويبوس ايده / لأ ازاي ياعمي بس والله مشاغل حقك عليا
محمد/ عامل ايه يا رسلان