عم صالح / ازيك ياقمرايه يا عسلايه انتي
قمر في نفسها ( أستغفر الله العظيم منك لله ياحور الراجل ده مش هيحل عني غير لما أفتح نافوخه أجيب أجله يلا الصبر من عندك يارب ) / عاوزه أربع أكياس اندومي
عم صالح / المحل كله تحت أمرك ياست البنات انتي بس أشري
قمر بنرفزه / لأ هما الأربعه بس وخد حقهم أهو
عم صالح / ياسلام عليك ياقمر لما تتنرفز كده بتخطف قلبي
قمر / ياراجل هو انت لسه فيك قلب يتخطف مش عارفه ملك الموت تايه عنك فين وخد الإندومي ومشيت تبرطم وصلت الشقه وفتحت ودخلت / حووووووووووور الكلب ورحمة أهلك لو مانزلتي انتي بعد كده تجيبي الزفت من عمك زفت لأكون مطلعه أحبالك الصوتيه أعزف عليها
حور / ايه بس ياقموره ده الراجل شاريكي وعاوز الحلال يا مزه
قمر وهي بتوطي تجيب شبشبها / شاريني اه وعاوز الحلال وقامت تجري ورا حور في الشقه
وبعد الضحك والهزار والأكل ناموا عشان شغلهم وتاني يوم
حور / يلا ياقمر هنتأخر
قمر / خلاص خلصت يلا
راحوا الشغل
عبير / حور مستر مايكل عاوزك
حور ارتبكت وقلبها حست أنه اتسرق منها / عاوزني ليه
عبير / عاوز يشوف خريطة فيلة الصحراوي بتاعة مستر أكمل