رددت نهال بغضب:-
– تولع بجاز يا رِفقة إنتِ متعرفيش شكل المخروبة دي عامل إزاي …حسبي الله ونعم الوكيل في إللي كانت السبب ربنا ينتقم منها وأشوف فيها يوم، الشقة غير آدمية ومينقعدش فيها يا رِفقة حتى صاحبها إللي أجرها راجل
close
معندوش من الضمير ذرة..
قالت رِفقة باعتراض:-
– بس أنا قعدت يوم في شقته ولا يوم ونص ودا حقه بغض النظر الشقة عامله إزاي..
خلينا نعدي على أي ماكينة لسحب الفلوس ونسحب فلوس ونبعتهاله…وكمان علشان أشوف أي فندق وأقضي فيه يومين على ما ألاقي شقة
تسائلت آلاء:-
– مش مرات خالك سحبت فلوس للشقة على أساس إنها هتشتريها…
رمقتها نهال بنظرة ذات مغزى وهي تهمس بينما تتوقع ما سيحدث:-
– ربنا يستر…