وقرب من عبير ووشه احـ ـمر وعنيه كلها غضب ورفع ايده ولطشها قلم من قو.ته اترمت على الأرض ومسكت خدها وعيطت
حلا جريت ساعدتها تقوم وعدي لسه بيقرب عشان يضـ ربها
حلا وقفت حائل بينها وبينه وقالتله بحدة: انت ازاي تمد ايدك على واحدة ست الي ربنا كرمها انت تهينها هو دة الي اتربينا عليه ياحضرة الظابط
انا شوفت عنفك. مع نورا بس كنت بقول من افعالها انما مراتك الي استئمنتك على نفسها عيب
تدخل الجد: خلاص ياحلا هي استـ ـقزته وعي.ب ياعبير احنا ناس تعرف ربنا
عدي كل دة بيبص لحلا بذهول وقالها وهو مصدوم وبيحاول كبت غيظه: ياحلا افهمي الي قالته وحش في حقك محدش يتكلم عليكي حرف واسكت إلا انتي
وكمل بسرعة: او اي بنت في عيلتنا
حلا بتردد: حتى لو كلامك صح مش بالضرب
وبصت لعبير الي كانت بتعيط: وانتي يابنت الناس اتفضلي انتي وجوزك على شقتكم وتاني مرة فكري قبل ماتتكلمي
عدي سحب عبير ونزلو دخل اوضته وقالها: قسما بالله تتكرر تاني لاتجوزلك 3 قدام. عنيكي انا لابحب الغيرة ولا ان حد يمس بنت من بنات عمي بكلمة فاهمة
هزت راسها بالايجاب
قالها: انا خارج متعتبيش برة الاوضه فاهمة
: حاضر
لبس هدومه ولسه هايخرج اكتشف انه نسي فونه عند حلا
طلع لوحده وخبط فتحتله حلا قالها: نسيت الفون
ناولته الفون قالها: انا مش عاوزك تاخدي فكرة وحشة عني عبير دي اتجوزتها تعاطفا مع ظروفها ومينفعش تضايقك بكلمة ولااي مخلوق
كان بيتكلم وهو بيجز على اسنانه حلا ابتسمت من اسلوبه
وقالت: جدو بيشرب قهوة بالبلكونة تحب تدخل اشرب معاه وتهدي اعصابك
ابتسم وقالها: مش هاضايقك
لأ انت نيتك صح اسلوبك غلط
طيب ادخل الاول لجدو ونتناقش عشان افهم قصدك
دخلته لجدها وعملت قهوة وقعدت معاهم
عدي قال: فهميني بقى
ياعدي انا لاحظت فيك من زمان انك لماويتاخد موقف بتكون صح وصاحب حق بس طريقتك غلط
الجد: قصدك عنيف شوية