بكت حلا وقالت: ياحبيبي يابابا الله يرحمك
الجد: ربنا يرحمه ويغفر له
حلا: شوف انت الانسب واعمله
الجد: هو سايب مايعادل 150 الف بيحوش فيهم من صغره معايا وبيني وبينكم ربنا كان نفسه يكمل عليهم لجوازكم بس امر الله انا عمري مااحب اكون وصي عليكم لأ انتي اعتبريني بنك تسحبي منه الي يلزمك
حلا: ياحبيبي ياجدي ربنا يخليك لينا
بابا الله يرحمه كان فاتحلي حساب عشان فلوس ارض ماما وميراثنا منها
الجد: إن شاء الله ربنا يقدرني وازودهملك على ماتستلميهم لما تبلغي السن القانوني
حلا حضنت جدها وقالتله: انا الاهم من الفلوس عندي انك تفضل معانا ربنا يخليك لينا
الجد: ويخليكم ليا يارب بس انا ليا طلب عندك
دخلت حبيبةلقت جدها حاضن حلا وضعت يدها بوسطهاوهي بتقول: الله الله وانا بقى مليش نصيب بالحب دة
ضحك الجد وحضنها
حلا: بطلي شقاوة يابيبة
الجد: كويس بقى انك. جيتي ياست بيبة عشان تشوفيلي حل
حلا: قول ياحاج
الجد: السلم تاعبني يابنات باتأخر بالنزول للصلاة ومش هاقدر اسيبكم هنا لوحدكم
حبيبة: عادي لو عشنا لوحدنا
الجد: مقدرش مين هيأكلكم ويهتم بيكم ويتطمن عليكم وانتو نايمين
حلا: يعني عاوزنا احنا الي ننزل نقعد معاك تحت
الجد: طول عمرك ذكية