الجد: انزلي انتي لجوزك انا بايت معاهم
ثاني يوم صحيت حلا كالعاده عماله تسأل على باباها الجد طلب منها هي واختها ومنار يلبسوا وينزلوا معاه تحت
العزاء ثلاث ايام والنهارده ثاني يوم وكان لازم يكونوا موجودين وسط الناس نزلوا والجد طلب من فاديه تأكلهم وطلب منها ما تخليش الستات اللي بيعزوا يتكلموا مع حلا في حاجه
القران اشتغل وبدأت الناس تيجي تعزي في مجموعه من زمايل منير طلبوا يقعدوا مع ابوه وواحد. منهم قاله: احنا زمايل منير ومد ايده بظرف وكارت وكمل كلامه: وده مرتبه ارجوك تديه لبناته واعتبرنا زي منير الله يرحمه لو البنات احتاجوا اي حاجه ارجوك تتصل بينا وبعد اذنك احنا هنبقى نتصل بحضرتك عشان نطمن عليهم على طول
ابتسم الجد وقال لهم يا جماعه خدوا فلوسكم مستوره والبنات هنا وسط اهلهم ما تخافوش عليهم
رد واحد تاني: حضرتك ده مش تبرع مننا ده مرتبه وحقه وبعدين منير كان انسان طيب وخدوم واحنا بنحاول نرد له جزء من جمايله فارجوك ما تحرمناش نعمل كدة
الجد: كتر خيركم وشكرا ليكم
صافحو الجد والاعمام وانصرفوا
مجدي قال ميعاد الدكتور قرب يا جدي الجد قال: ما ينفعش اسيب المعزيين القران هايبدأ في الشادر بعد.المغرب وبعد العشا
عدي قال: بعد اذنك يا جدو انا ومجدي نروح معاها
الجد: ماشي وخلوا بالكم منها
وفعلا عدي ومجدي اخدوها معاهم وهي مستسلمة تماما وفي حالة من اللاوعي
وصلو عند الدكتور الي فضل يتكلم. معاها وبعد. ماخلص قالهم: هاتجيبوها بكرة كمان هي هتحتاج اكتر من جلسة
وهما مروحين عدي قالها: حلا في اي حاجة لزماكي نشتريهالك
حلا: شوفلي بابا فين ياعدي
عدي: حاضر ياحلا هو مستفر بمأمورية تبع شغله متقلقيش
مجدي بصله وقاله: ربنا يستر بجد
حلا: اول مرة ينسى فونه بالبيت
عدي بصلها بتأثر ولما وصلو كانت نايمة عدي شالها ودخلها شقة جده وبصلها بتمعن وحزن ومسح على راسها وغطاها وخرج بهدوء
قعد. مع جده بالعزاء لحد. ماانتهى وهو داخل امه. ندهتله قالها: في ايه
: ولاحاجة هانسيب الي ورانا والي قدامنا ونقعد للهانم ست الحسن نواسيها
عيب مدة ياماما دة الي مات عمي وبناته بقو يتامى خلاص مفيش رحمة